تقوم الجامعة الافتراضية السورية بتنظيم عملية الانتخابات الطلابية وفق القواعد التالية:
1.
يفتتح باب الترشيح للطلاب لمدة ثلاثة أسابيع اعتباراً من الأحد 20 تموز 2008 ولفاية الخميس 7 آب 2008.
2.
يقوم الطالب الراغب بترشيح نفسه بتعبئة استمارة في مركز النفاذ تتضمن معلومات شخصية ووضعه في الجامعة ويشترط لقبول طلب الترشح أن يحصل الراغب بالترشح على توقيع خمسة وعشرين طالب يؤيدون ترشحه يوقعون على بيان يرفق مع طلب الترشح والاستمارة..
3.
تجري عملية تنظيم الانتخابات على مرحلتين:
*
المرحلة الأولى: ويجري فيها انتخاب 9 مرشحين: 3 عن برنامج البكالوريوس، 2 عن برنامج الهندسة، 2 عن برنامج الدبلوم الوطني العالي، 2 عن الماجستيرات. وفق القواعد التالية:
o
في حال كان عدد المرشحين عن برنامج أقل أو يساوي عدد الطلاب الواجب انتخابهم لهذا البرنامج في المرحلة الأولى، ينجح هؤلاء المرشحون بالتزكية.
o
في حال عدم وجود مرشحين عن برنامج، تلغى الأماكن المخصصة لهذا البرنامج في نتائج المرحلة الأولى.
o
في هذه المرحلة، يجب على كل طالب ناخب اختيار 3 مرشحين مرتبين وفق الأولوية.
*
المرحلة الثانية: في حال تجاوز عدد المرشحين المنتخبين في المرحلة الأولى 4 مرشحين (من 5 إلى 9)، تجري عملية تنظيم المرحلة الثانية للانتخابات بحيث يجري اختيار الاثنين الأوائل كممثلين عن الطلاب.
o
في هذه المرحلة أيضاً، يجب على كل طالب اختيار مرشحين اثنين مرتبين وفق الأولوية.
o
أما في حال اقتصر عدد الناجحين في المرحلة الأولى على 4 مرشحين وما دون، يجري اختيار الاثنين الأوائل بنتائج المرحلة الأولى كممثلين عن الطلاب.
4.
تجري جميع عمليات الانتخاب في الدورتين الأولى والثانية الكترونياً على نظام الـ ISIS
5.
يشغل الحائز على المرتبة الأولى مقعد تمثيل الطلاب في مجلس الجامعة، ويشغل الحائز على المرتبة الثانية مقعد تمثيل الطلاب في مجلس شؤون الطلاب.
http://isis.svuonline.org/isis_beta/documentation/Std_Election_Form.doc
| المرفق | الحجم |
|---|---|
| Std_Election_Form.doc | 114 كيلوبايت |
كأنو نحن جامعة افتراضية، وكأنو عم ندرس كمبيوتر وكل شغلنا على النت، يعني لنفرض أنا وقعت على خمسين اسم كيف بدكم تعرفوني، لا تقولوا من خلال id لأنو أكيد ما في حدا لح يدقق كل الأوراق.
طيب لنفرض التقديم خلص بـ 7 آب معناها رفع الأسماء على نظام isis بدو يكون بعد أسبوع أقل شي يعني صرنا 14 آب ممتاز هالحكي، لح تصير انتخابات لمدة 3 أيام عم قول لنفرض يعني صرنا 17 آب لح تم عملية الانتخاب التانية راحت معنا القصة 20 آب وعرفنا الفائزين وإجا الامتحان وانتهى الفصل، وإجت العطلة وراحت الشغلة لشهر 11 معقول هيك يصير، الانتخابات تصير آخر السنة :| شو رأيكم ؟؟
طيب فينا نعرف شو هي مهام وواجبات كل شخص بهالحالة.
ما المقصود بالأولوية
إذا تساوى ثلاثة طلاب من نفس الفرع بالأصوات ما الحل سيكون.
أتمنى أن الجامعة تناقش معنا الموضوع، لأنو هدفنا بالنهاية تنجح الانتخابات، بس ياريت تكون الخطوط واضحة أكتر
انا حابب اذكر ملاحظة بسيطة إنو قضية الانتخابات حركتها بشهر تسعة من عام 2007 وتم العمل بها بشهر 3 عام 2008 ونامت القصة لشهر 7 عام 2008 يعني القصة لح يصرلها سنة ولسه ما شفنا شي، ياريت يمشي الحال. وبعتقد إنو نحن كطلاب الجامعة، وأعضاء في الموقع عنا القدرة إنو نتعاون مع إدارة الجامعة لتخرج آلية محكمة لعملية الانتخاب.
مشكورة إدارة الجامعة على هالخطوة.
انا حطيت موضوع استفسار عن هي الانتخابات
الشخص الي بدو يرشح حالو منشان شو ؟؟
يعني بدو ينتخب ليكون شو ؟؟؟؟؟
و سؤال تاني فعلا يعني كيف بدنا نجيب 25 توقيع و نحنا ما منعرف بعض واذ عرفنا فما هو هالعدد الكبير ليوصل لل25
؟؟
كأنو ما حدا عم ييراعي وجود طلاب جدد مو عرفانين شي ؟؟؟؟؟
يا ريت الطلاب القدماء يساعدونا لانو للأسف الموظفين مو فاضيين ليفهمونا ؟؟؟؟
كلامك صحيح 100%
وبالحقيقة انا لحد الان ما عرفت الصلاحيات والامكانات يلي ح يحصل عليها الشخص الفائز
ويا ترى هل من الممكن بالفعل ان يؤدي هذا الشخص واجبه ويوصل صوت الطلاب لادارة الجامعة ؟؟؟
يعني انا دائما معارض على الجامعة
فكمان هلاء بدون ما اعرف تفاصيل كتير بس ما عجبتني الانتخابات و ما بدي انتخب
لان شغلة فاضية و غير جدية اصلا شو بدو يطلع بأيدهون
خلينا نتفائل مو احسن يا اخي
الغرقان بيتعلق بشعرة
ليش ما نحط شوية امل
بركي بيتحسن الوضع
على اساس اذا انتخبنا ووصل حدا من الطلاب رح يسمعونا خخخخخ عجبتني هي الشغلة قال شو(( يمثل الطلاب))
لأان يلي بدهن ياه بيسووه اذا عجبنا عجبنا أو اذا ماعجبنا بحفظ القرد
ياجماعه ليش هيك انتو
لك ان عملوا خطوة سلبية قمتوا عليهم
وان عملوا خطوة إيجابية كمان قمتوا عليهم
طولوا بالكم
انتخبوا واستفسروا وخلينا ننسق
يعني والله فكرة رائعة
بصير على الأقل بنبعت شكاوينا للشخص المنتخب وهو ببعت استفستاء لبقية الطلاب وبتصير الشغلة جماعة وقتها لابد تنحل
بينما هيك كل واحد بحكي لحاله ومافي اي نتائج لانه شخص مابساوي شي بين آلالاف الأشخاص
الله يسهل الخير بهالموضوع
انا والله لوكنت بسوريا لكنت انتخبت حالي
لانه جد ممكن انسق هيك امور بشكل جيد
الله يسهل الخير
ويوفقنا لما فيه خير لنا ولهم
والله يا آلاء يا ريت كلامك مظبوط ويتحقق بس المشكلة انو نحنا وقت عم تصير معنا مشاكل ويطرها المندوب المنتخب بياخدو شوفي عندو وبيكبو تحت الطاولة ولا كأنو الو كلمة او بيأثر فيون وهالشي انا لمستو بأكتر من شغلة وما عم حاكيكي من فراغ وخصوصي هاد رئيس مجلس الجامعة على ما أذكر